Mikey – kack a crow, day lite
A time fi yu git up outta di bed
Guh dung a battam pasta
Full tree buckit a waata
Trow dem inna di drum bakka di house
Wen yu dun, go luk coaknat fi fowl feeden
So wen dem fly affa ruuse dem get sinting fi nyam
Tie di madda hen wid di 6 chikin
Mi no waan dem gaa a stray fi manguse ketch dem
Den pick few kus kus fi bwile hag feeden
An memba say yu haffi ketch school befoah bell ring
Teykya mi buss yuh ass
Cum home fram school a evenin
Yu know say mi sik aan a me waan
Mi waan yu inna di yaad fi jump roun
No badda igle paan road wid Meena lang hed bway
Faar demde no hab noh gud a cum tu
Demdey a nuh cumpany fi smaddy kip
Caah home yu buk fram school
Nuh mek pikney teef dem
Faar mi nuh hab no money fi buy moh fi gih yuh
Waait! Bway you still ly dung inna di bed
A weh mi broad belt
Mek mi trow too lik inna yu backside
Aah rite mek mi gouta doah aan cum bak
Aan ketch yu a ly dung inna di bed
Den yu wi fine out weh waata waak gaah a punkin gut
Blog Contribution
Please contribute to my Blog
$30.00